Policia e Fierit vuri në pranga një person ndërsa 2 të tjerë janë shpallur në kërkim për akuzën e pastrimit të parave.

Në bazë të operacionit “PASTRIMI” u ndalua shtetasi: Xhevair Troka, 52 vjeç, banues në Fier.

Ndalimi i këtij shtetasi u bë pasi Gjykata e Rrethit Gjyqësor Fier me vendimin e datës 01.06.2018, ka caktuar masën e sigurisë “Arrest në burg” për veprën penale

“Pastrimi i produkteve të veprës penale apo veprimtarisë kriminale”.

Gjithashtu u bë shpallja në kërkim dhe po punohet për kapjen e shtetasve: L.Ç, 50 vjeç, banues në Patos dhe Sh.Ç, 44 vjeç, banues në Durrës

Për këta shtetas, Gjykata e Shkallës së Parë Fier me Vendimin e datës 01.06.2018 ka caktuar masë sigurie “Arrest në burg” për veprën penale “Pastrimi i produkteve të veprës penale apo veprimtarisë kriminale”.

Po për këtë vepër penale, Gjykata e Shkallës së Parë Fier ka vendosur masën e sigurisë “Detyrim paraqitje” për shtetasit me iniciale:A.Ç, 75 vjeç, banues në Patos dhe J.Ç, 26 vjeçe, banuese në Patos./Gazeta Express